Уянга сумын ОНХСангийн 2025 оны санхүүгийн үйл ажиллагаанд хяналт шалгалт хийсэн тухай

Санхүүгийн хяналт, дотоод аудитын газрын 2026 оны 06 дугаар сарын 11-ний өдөр баталсан 29/11 дүгээр удирдамжийн дагуу Уянга сумын Орон нутгийн хөгжлийн сангийн (цаашид ОНХС гэх) 2025 оны санхүүгийн үйл ажиллагаанд хяналт шалгалт хийхэд 2024 онд малын тоо толгойн албан татварын орлогоор хийгдэх ажлуудад иргэдээс санал авсан хэдий ч саналыг багууд эрэмбэлж хүргүүлээгүй, эрэмбэлсэн саналын тоо иргэдээс ирүүлсэн саналын тооноос зөрүүтэй, сумын төвийн камержуулалтын тал хувь ашиглагдахгүй байхад гүйцэтгэгч талд санал уламжлан засварлах ажлуудыг цаг тухайд нь хэрэгжүүлээгүй, тендерийн баримт бичгийн баримтын бүрдэл дутуу, анхан шатны баримтыг гүйцэд бүрдүүлдэггүй, томилолтын хуудсанд ирсэн, буцсан өдрийн тэмдэглэл хийгдээгүй, гарын үсэг, тамга тэмдэг дутуу, томилолтын зардлыг олгосон, 2 удаа хийгдсэн гүйлгээг залруулах арга хэмжээ аваагүй, санхүүгийн тайланд авлагаар тусгаагүй, шагналын зардлаас татвар суутгаагүй зэрэг илэрч нийтдээ анхан шатны баримттай холбоотой 1,002,200 (нэг сая хоёр мянга хоёр зуу)  төгрөг, санхүүгийн тайланд авлагаар тусгаагүй 700,835 (долоон зуун мянга найман зуун гучин тав) төгрөг, ХХОАТатвар суутгаагүй 148,000 (нэг зуун дөчин найман мянга) төгрөгийн төгрөгийн зөрчил илэрч, эдгээр зөрчлийг арилгуулахаар улсын ахлах байцаагчийн 2 заалт бүхий албан шаардлага, 7 заалт бүхий зөвлөмжийг өглөө.