Есөнзүйл сумын Ерөнхий боловсролын сургуулийн 2025 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2026 оны гүйцэтгэлийн төлөвлөгөө, Санхүүгийн хяналт, дотоод аудитын газрын даргын 2026 оны 06 дугаар сарын 11-ны өдөр баталсан 29/11 дугаар удирдамжийн дагуу Есөнзүйл сумын Ерөнхий боловсролын сургуулийн  2025 оны санхүүгийн үйл ажиллагаанд хяналт шалгалтыг хийж гүйцэтгэлээ.

Шалгалтаар Хүний нөөцийн системд албан хаагчдын мэдээллийг хянаагүйгээс албан хаагчдад төрийн алба хаасан хугацааны нэмэгдлийг илүү олгосон, ээлжийн амралтын мэдэгдлийг буруу бичдэг, ажлаас гарсан болон тогтоосон цалинг ажилчидад илүү олгосон, дотуур байрны болон үдийн цай хөтөлбөрийн зардлыг нормативт зардлаас илүү зарцуулсан, захирал, нягтлан бодогч, дотоод хяналтын нэгж хүүхдийн хоолны зардлыг нормативт хэмжээнд зарцуулж байгаа эсэхэд хяналт тавьдаггүй, тооллогын баримт болон бүртгэлд тооллогын комисс, эд хариуцагч нар гарын үсэг зурж баталгаажуулаагүй, хөрөнгийг зориулалт бусаар зарцуулсан, томилолтын гүйцэтгэлийн тайлан бичээгүй, замын хуудасны огноо зөрүүтэй зэрэг нь төсвийн захирагчийн болон санхүүгийн ажилтны хууль эрх зүйн мэдлэг мэдээлэл дутмаг, санхүүгийн үйл ажиллагаанд тавих шат дараалсан болон дотоод хяналтыг хийж хэрэгжүүлэхгүй байгаатай холбоотой гэж дүгнэлээ.

Иймд цаашид төсвийн захирагч болон санхүүгийн ажилтнууд төсөв санхүүгийн үйл ажиллагаатай холбоотой мэдлэг мэдээллээ дээшлүүлэх, мэргэжлийн байгууллагуудаас зөвлөгөө авах, санхүүгийн үйл ажиллагаанд тавих дотоод хяналтыг сайжруулах шаардлагатай.

Энэ удаагийн шалгалтаар цалин хөлс, нэмэгдэлтэй холбоотой 1,977,066 (нэг сая есөн зуун далан долоон мянга жаран зургаа) төгрөг, анхан шатны баримттай холбоотой 1,044,000 (нэг сая дөчин дөрвөн мянга) төгрөг, дотуур байрны хүүхдийн хоолны зардлыг нормативт зардлаас илүү зарцуулсан 1,267,335 (нэг сая хоёр зуун жаран долоон мянга гурван зуун тав) төгрөг нийт 4,288,401 (дөрвөн сая хоёр зуун наян найман мянга дөрвөн зуун нэг) төгрөгийн зөрчил илрүүлж, илүү олгосон цалин 1,977,066 (нэг сая есөн зуун далан долоон мянга жаран зургаа) төгрөгийг суутган тооцохоор улсын ахлах байцаагчийн акт тогтоож, зөрчлийг арилгуулахаар улсын байцаагчийн 2 заалт бүхий албан шаардлага хүргүүлж, цаашид анхаарах асуудлаар 5 заалт бүхий зөвлөмж өгч ажиллалаа.