Уянга сумын Жаргалант багийн ерөнхий боловсролын сургуулийн 2025 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2026 оны гүйцэтгэлийн төлөвлөгөө, Санхүүгийн хяналт, дотоод аудитын газрын даргын 2026 оны 06 дугаар сарын 11-ний өдөр баталсан 29/13 дугаар удирдамжийн дагуу Уянга сумын Жаргалант багийн ерөнхий боловсролын сургуулийн  2025 оны санхүүгийн үйл ажиллагаанд хяналт шалгалтыг аудитор, санхүүгийн хяналт шалгалтын улсын ахлах байцаагч Н.Лхамдолгор, аудитор, санхүүгийн хяналт шалгалтын улсын байцаагч Ч.Буянбат нар 2026 оны 06 дугаар сарын 16-ний өдрөөс эхлэн хийж гүйцэтгэлээ.

Энэ удаагийн шалгалтаар цалин хөлстэй холбоотой 3,696,309 (гурван сая зургаан зуун ерэн зургаан мянга гурван зуун ес) төгрөг, зориулалт бус зарцуулалт 10,117,600 (арван сая нэг зуун арван долоон мянга зургаа зуу) төгрөг, шилэн дансанд мэдээлэл дутуу байршуулсан 18,821,985 (арван найман сая найман зуун хорин нэгэн мянга есөн зуун наян тав) төгрөг нийт 32,635,894 (гучин хоёр сая зургаан зуун гучин таван мянга найман зуун ерэн дөрөв) төгрөгийн зөрчил илэрч, дутуу олгосон цалин 426,867 (дөрвөн зуун хорин зургаан мянга найман зуун жаран долоо) төгрөгийг нөхөж олгох, илүү олгосон 3,269,441 (гурван сая хоёр зуун жаран есөн мянга дөрвөн зуун дөчин нэг) төгрөгийг төлүүлэхээр улсын ахлах байцаагчийн акт тогтоож, илэрсэн зөрчлийг арилгуулахаар 2 заалт бүхий улсын байцаагчийн албан шаардлага өглөө.